呀a
助 手
 
UID 16037
精華
0
積分 4478
帖子 1066
閱讀權限 30
註冊 2006-9-10
|
【2008-08-17 太陽報】Jolin欲拒還迎 玩緋聞呢招高(提show)
Jolin欲拒還迎 玩緋聞呢招高
http://the-sun.on.cc/channels/en ... 817002246_0000.html
Jolin蔡依林同Rosanne黃婉君雙雙成為緋聞女王，唔係話佢地呢排好多緋聞男友，而係佢地對緋聞男友的態度如出一轍，都係來一招欲拒還迎，把口話就話唔係，但行動就做晒畀大家睇，其實佢地的緋聞係有刋�禳A明抗拒暗默認，簡直係高手。
要成為高手其實一啲都唔容易，呢兩位靚女都經歷過重創先有所得。
根據Jolin與Rosanne的情史，佢地都不約而同遇著背叛男。Jolin曾幾何時為做周董周杰倫的女友，甘願匿埋玩地下情，點知突然有一日睇見狗仔隊影到周董同侯佩岑秘遊日本，當堂晴天霹靂、恍然大悟，原來情人他抱。好在情已逝的Jolin都好有風度，雖然好傷心，亦冇呻過乜，但包剪揼相信Jolin呢次的情傷當中有所得著，學到唔少野。
吞吞吐吐添神秘感
講到慘，Rosanne比Jolin更慘，好衰唔衰遇著個世紀賤男，佢同Edison拍拖個陣試過斷正，本來畀人撞破都無傷大雅，但弊在個世紀賤男有鋪影床照癮，同其他女藝人影影埋埋仲要儲儲埋埋，結果閃卡一鋪清，搞到留低個臭名，Rosanne有乜辦法唔變驚弓之鳥，將自己抱到實一實遮剩對眼，仲要以屋企人名義發誓力證從來冇影過床照，可想而知呢段戀情令佢留低幾大陰影！
依家在愛情路上，佢地總算走出黑暗期，但話晒一朝被蛇咬，十年怕草繩，對處理新一段感情明顯學精冲。
Jolin同小豬羅志祥大大話話都傳左幾年緋聞，佢地成日話大家太老友冇可能拍拖，只不過呢排佢地兩個神神秘秘去日本玩左幾日，跟手孖住返香港拍廣告，雖然遮遮掩掩但又唔介意畀人見到戴情侶金厄喎！拍拖傳得咁「行」仲搞埋刋咁�禳A擺明想話畀人知佢地係一對啦！哈！Jolin就係深知娛樂圈的戀愛方程式，乜都開晒名講清講楚有乜好呢，次次出黎又要一五一十咁去交代感情的進度，咪盞搵黎自己煩。依家咁樣等大家估估下都唔知幾好玩，一來可以娛樂大家，二來自己對段感情都冇咁大壓力。
Rosanne心亂夠純真
咁Rosanne呢！諗落比Jolin仲勁，佢一提起安志杰個種心亂如麻的尷尬嬌態，叫人點可以唔信佢對安志杰有Feel呢，Rosanne最叻係真情流露得 又唔想講太多，因為怕講得多時感情輸得多，寧願少說話多動作，佢呢招「二四指」發誓，手指向天亂咁指，包剪揼真係幾驚佢無啦啦走黎豎中指發誓呀！雖然佢把口講起新歡時好扭擰，但勝在娛樂性十足，搶到鏡之餘，仲建立左一個傻更更、Cute Cute㳜簕可愛形象，對佢黎講絕對百利而無一害。
Jolin同Rosanne佢兩個的表現最值得一讚係冇扮純情，包剪揼最驚係聽到三十幾歲的男星明明有個女友通行都知，但仲可以扮怕醜一時話自己仲未搵到對象，一時又話事業為重冇諗過拍拖住，實在太假喇！
依家呢個世代唔興呢一套架喇！夾硬扮純真只會惹來反感，反而嘻嘻哈哈好似黎明咁搞下爛Gag，戀情講下唔講下，仲會得到更多人祝福，而近排最成功的例子莫過於樂樂同盈盈呢一Pair，佢地深得黎明精髓，係又燝唔係又燝，果然贏得好多人的認同，掂啦！
|
|
